आजको राशिफल : पुस २९ गते मंगलबार

आज २०८२ साल पुस २९ गते मंगलबार  माघ कृष्ण पक्षको दशमी तिथि तथा राष्ट्रिय भाक्का दिवस परेको छ। नक्षत्र अनुसार १२ वटा राशि निर्धारण गरिन्छन्। चन्द्रमाको स्थिति र नक्षत्रका पदका आधारमा नामाकरण तथा व्यक्तिको दैनिकीसम्बन्धी भविष्यवाणी गरिने ज्योतिषीय मान्यता रहँदै आएको छ। सोही आधारमा आजको दिनको राशिफल यस प्रकार रहेको छः
१.मेष :
समय अनुकूल देखिन्छ। बोलीमा सरस्वतीको बास भएकाले प्रशंसा पाइनेछ। तर बोल्दा संयम अपनाउनु आवश्यक छ। शिक्षा र स्वास्थ्य क्षेत्र सबल छन्। वैदेशिक क्षेत्रमा गरिएको लगानीबाट लाभ हुने संकेत छ। परिवारमा भने विश्वासको कमी देखिन सक्छ।
२.वृष :
दिन राम्रो रहनेछ। आम्दानीका अवसर प्राप्त हुनेछन्। पूर्वतर्फको यात्रामा अचानक खर्च बढ्न सक्छ। परिवारसँग समय बित्ने भएकाले दिन रमाइलो रहनेछ। प्रेम सम्बन्धमा भेटघाटको योग छ।
३.मिथुन :
शिक्षा, स्वास्थ्य तथा वैदेशिक क्षेत्रमा गरिएको लगानीबाट फाइदा हुनेछ। आर्थिक उन्नति देखिन्छ। मानसिक खटपटीले हानी पुर्‍याउन सक्छ, संयम अपनाउनु राम्रो हुन्छ। पारिवारिक मेलमिलापको योग छ।
४.कर्कट :
दैनिकी सामान्य रहनेछ। गुमेको धन र टाढिएका साथी भेटिने सम्भावना छ। विरोधी तत्व सक्रिय रहेकाले सचेत भएर काम गर्नुपर्ने देखिन्छ। विचार पुर्‍याएर अघि बढ्नु सुरक्षित हुनेछ।
५.सिंह :
समय राम्रो छ। स्वास्थ्य, शिक्षा र रोजगारीको क्षेत्रमा सकारात्मक संकेत छन्। पेटसम्बन्धी समस्या देखिन सक्छ। परिवारको साथ र सहयोग प्राप्त हुनेछ।
६.कन्या :
समय अनुकूल छ। हरेक क्षेत्र सबल देखिन्छ। स्वदेशमै नयाँ विकल्प देखिनेछ। परिवारमा विश्वासको कमी महसुस हुन सक्छ। गणेश दर्शन गरेमा दिन अझ सहज हुने विश्वास छ।
७.तुला :
सबै क्षेत्र अब्बल रहनेछन्। आज परोपकार गर्नु शुभ मानिन्छ। धेरै व्यक्तिहरू तपाईंको प्रतीक्षामा रहनेछन्। पारिवारिक शत्रुबाट समेत सहयोग मिल्नेछ। प्रेम सम्बन्ध सुमधुर बन्नेछ।
८.वृश्चिक :
दिन सामान्य छ। ठूला काममा हात नहाल्नु राम्रो हुन्छ। विभिन्न क्षेत्रमा आरोप–प्रत्यारोप र विरोधका स्वर सुन्न सकिन्छ। परिवारको साथ प्राप्त हुनेछ। वैदेशिक क्षेत्रमा गरिएको लगानीबाट उन्नति हुने संकेत छ।
९.धनु :
कामको प्रशंसा हुनेछ। शिक्षामा सफलता मिल्नेछ। बोलीको प्रभाव देखिने योग छ, त्यसैले सोचेर बोल्नु उचित हुनेछ।
१०.मकर :
समय सामान्य देखिन्छ। हरेक क्षेत्र केही विवादित रहे पनि शिक्षामा गरिएको लगानी र श्रमबाट लाभ प्राप्त हुनेछ। परिवारबाट साथ र सहयोग मिल्नेछ। प्रेम सम्बन्ध सुदृढ बन्नेछ।
११.कुम्भ :
समय राम्रो छ। कर्मको फल प्राप्त हुनेछ र न्याय मिल्ने संकेत छ। पन्छीलाई दाना दिनु शुभ मानिन्छ। परिवारको साथ प्राप्त हुनेछ।
१२.मीन :
दैनिकी राम्रो रहनेछ। अचानक धन खर्च हुन सक्छ तर धर्म र समाजसेवामा सफलता मिल्नेछ। वैदेशिक क्षेत्रमा भइरहेको प्रयास सफल हुने संकेत छ। परिवारमा भने खटपटी देखिन सक्छ।